१ किलो सुनसहित रसुवागढी नाकाबाट २ महिला पक्राउ

९ मंसिर २०७६, सोमबार

पढ्न लाग्ने समय : < 1 मिनेट

रसुवा– नेपाल–नाका रसुवागढीबाट २ जना महिला करिब १ किलो सुनसहित पक्राउ परेका छन् ।

भन्सार चेकजाँचका लागि खटिएको प्रहरीको टोलीले रसुवाबाट नेपाल सुन भित्र्याउँदै गरेको अवस्थामा २ जना महिलालाई पक्राउ गरेको हो ।

पक्राउ परेका महिलाहरुको पहिचान भने खुलाइएको छैन ।

जिल्ला प्रहरी कार्यालय रसुवाले सोमबार दिउँसो पत्रकार सम्मेलन गरी बरामद सुनबारे जानकारी दिइने जनाएको छ ।

महिलाहरुको साथबाट ६ डल्ला सुन बरामद भएको प्रहरीले जनाएको छ । बरामद भएको सुन जोख्दा करिब १ किलो बराबर भएको जनाइएको छ ।

प्रकाशित मिति : ९ मंसिर २०७६, सोमबार १२ : ०४ बजे

प्रतिक्रिया