काठमाडौं – गायक भरत सिटौलाले आफ्नो नयाँ गीत बजारमा ल्याएका छन् । उक्त गीत युट्युबमार्फत सार्वजनिक गरिएको छ ।

सार्वजनिक ‘आउँदै गर मायालु अनलाइनमा’ बोलको गीतमा स्वर, शब्द तथा संगीत गायक सिटौलाकै छ भने गीतको संयोजन शैलेन्द्र प्रधानले गरेका छन् ।

यस्तै भिडियोको निर्देशन फराज अर्पणले गरेका हुन्। म्युजिक भिडियोमा गायक सिटौला आफैले अभिनय गरेका छन् भने उनलाई मोडल उषा उप्रेतीले साथ दिएकी छिन् ।

सिटौलाले यो गित अघिल्ला भन्दा फरक स्वादको भएको बताए । उनले भने, ‘मैले दर्शक र स्रोताले केहि नयाँ दिने कोसिस गरेको छु ।’