एजेन्सी– भारतको आसाममा विषाक्त मदिराको सेवनबाट मृत्यु हुनेको सङ्ख्या १ सय ५० पुगेको छ ।

गत बिहीबार आसामको राजधानी गुवाहटीबाट ३ सय १० किलोमिटर टाढा गोलाघाटमा भन्ने स्थानमा रहेको चियाबगानमा काम गर्ने मजदुरले विषाक्त मदिराको सेवन गर्दा भएको घटनामा अरु ज्यान गुमाउनेको सङ्ख्या १ सय ५० को आसपास पुगेको हो । घटनामा अझै १ सय ७० जना सिकिस्त बिरामीको अस्पतालमा उपचार भइरहेको भारतीय सञ्चारमाध्यमले जनाएका छन् ।

गोलाघाटको चियाबगानमा काम गर्ने कामदारले साप्ताहिक तलब आएपछि मदिरा सेवन गरेका थिए । प्रहरीले घटनामा संलग्न रहेको आशंकामा १६ जना मदिरा बनाउनलाई गिरफ्तार गरेको जनाएको छ । भारतमा देशी दारु भनिने मदिराको सेवनबाट वर्षेनी सयौँले ज्यान गुमाउने गरेका छन् ।