एजेन्सी– माइक्रेब्लगिङ साइट ट्वीटरका सहसंस्थापक तथा पूर्व सीइओ इभान विलियम्सले राजीनामा दिएका छन् । उनले अब आफ्नो ध्यान अरु नै काममा लगाउने जनाएका छन् ।
हाल ब्लगिङ प्लेटफर्म मिडियमका कार्यकारी अधिकृत समेत रहेका विलियम्स सन् २००८ देखि २०१० सम्म ट्वीटरको प्रमुख कार्यकारी अधिकृत सीइओका रुपमा कार्यरत थिए ।
विलियम्सले सन् २०११ मा ट्वीटर छाडे पनि साइटका कार्यसमिति सदस्यका रुपमा रहेका थिए । यसअघि सन् २०१७ मा उनले कम्पनीमा रहेको आफ्नो ३० प्रतिशत शेयर बिक्री गरेका थिए ।
कम्पनी छाड्ने घोषणासम्बन्धी ट्वीटमा विलियम्सले ट्वीटरका संस्थापक तथा साथी बिज स्टोन र कम्पनीमा कार्यरत सबैलाई धन्यवाद दिएका छन् ।
प्रतिक्रिया