काठमाडौं– महिला साफ च्याम्पियनसिपको उपविजेता नेपाली राष्ट्रिय महिला फुटबल टोलीलाई युवा तथा खेलकुद मन्त्रालयले सम्मान गरेको छ ।
युवा तथा खेलकुद मन्त्रालयले साफ च्याम्पियनसिप सकिएको पाँच महिनापछि बुधबार महिला टोलीलाई जनही ३२ हजार पाँच सय रुपैयाँसहित सम्मान गरेको हो ।
यसअघि महिला टोलीलाई मंगलबार प्रदेश १ सरकारको तर्फबाट सम्मान पाएको थियो भने बुधबार युवा तथा खेलकुद मन्त्रालयले सम्मान गर्दा सोमबार विराटनगर महानगरपालिकाले खेलाडीलाई सम्मान गरेको थियो ।
उपविजेता लगत्तै राष्ट्रिय खेलकुद परिषदले मन्त्रालयलाई १ लाखसहित सम्मान गर्न सिफारिस गरेपनि मन्त्रालयले ३२ हजार रुपैयाँमात्र दिएको हो ।
प्रतिक्रिया