काठमाडौं – निर्माता छविराज ओझा र नायिका शिल्पा पोखरेलविरुद्ध प्रहरीले पक्राउ पूर्जी जारी गरेको छ । जिल्ला अदालत, काठमाडौंले बहुविवाहसम्बन्धी कसुरका आधारमा थप अनुसन्धानका लागि दुवै जनालाई पक्राउ गर्न प्रहरीलाई अनुमति दिएको हो ।

निर्माता छविराज ओझाकी जेठी पत्नी हेमा ओझाले दिएको जाहेरीका आधारमा महिला सेल, कालीमाटीले अनुसन्धान शुरु गरेको थियो ।

काठमाडौं प्रहरी परिसर, टेकुका डीएसपी होविन्द्र बोगटीले पूर्जी जारी गरेको पुष्टि गरे । उनका अनुसार छवि र शिल्पाको खोजी कार्य शुरु भएको छ ।

नायिका शिल्पा पाेखरेल र छविराज ओझाले वि‍‍.सं. २०७३ साल असार २९ गते बिहे गरेका थिए । तर यी दुईले विवाह दर्ता भने ६ महिनाअघि मात्र गरेका थिए । केही हप्ताअघि शिल्पाले आफू घरेलु हिंसामा परेको भन्दै प्रहरीमा उजुरी दिएकी थिइन् । त्यतिबेला दुवैले मिलापत्र गरेर अब मिल्ने भने पनि पछि शिल्पाले पारपाचुके मागेकी थिइन् ।

प्रक्रिया चलिरहँदा यता हेमाले छवि र शिल्पाविरुद्ध बहुविवाहको उजुरी हालेकी थिइन् ।

यो पनि पढ्नुहोस्: