बर्दिया– भारतबाट खसी चोरेर नेपालमा बिक्री गर्ने ३ जनालाई प्रहरीले पक्राउ गरेको छ ।

पक्राउ पर्नेमा बाँकेको राप्ती सोनारी गाउँपालिका–२ घर भएका २८ वर्षीय भीमबहादुर घर्तीसहित ३ जना छन् । पक्राउ परेका घर्ती चोरीका खसी बोका ओसार्न प्रयोग भएकाे ट्रकका चालक हुन् ।

उनीहरु भारतबाट चोरी गरेर ना १ ख ५७२८ नम्बरको ट्रकमा खसी ल्याउँदै गरेको अवस्थामा बर्दियाको बाँसगढी नगरपालिका–७ बाट पक्राउ परेका हुन् ।

प्रहरीका अनुसार उनीहरुले भारतबाट ७२ वटा खसी बोका चोरी गरेर ट्रकमा हालेर नेपाल ल्याएका थिए ।

नेपालमा बिक्री गर्ने उद्देश्यले भारतबाट चोरी गरेर ल्याइएका खसी बोकासहित पक्राउ परेका तीनैजना माथि थप अनुसन्धान भइरहेको जिल्ला प्रहरी कार्यालय बाँकले जानकारी दिएको छ ।