एजेन्सी- सरुवा बजार खुल्ला भइरहँदा कोलम्बियाका स्टार खेलाडी ह्यामेस रोड्रिग्वेजले रियल मड्रिडमा रहने कुरा आफ्नो हातमा नरहेको बताएका छन् ।

उनले रियल मड्रिड जाने वा नजाने भन्ने कुरा मलाई भन्दा पनि रियलमा रहेका व्यक्तिहरुको हात धेरै रहेको बताएका छन् । ब्राजिलमा जारी कोपा अमेरिकामा व्यस्त रहेका रोड्रिग्वेजले अहिले आफू कोपामा व्यस्त रहेको बताएका छन् ।

‘अहिले म कोपा अमेरिकाबारे सोचिरहेको छु । थाहा छैन, म कहाँ जाँदैछु,’ सोमबार बिहान कोपामा पाराग्वेलाई १–० पराजित गरेपछि रोड्रिग्युजले भने,‘त्यो निर्णय क्लबको हातमा छ ।’

रोड्रिग्वेजले भने,‘मलाई लाग्छ त्यहाँ (रियल) भित्र केही व्यक्तिहरु छन् । जो ठूलो निर्णय गर्न सक्छन् । तर, म केही पनि गर्न सक्दैन् ।’ रियलका मुख्य प्रशिक्षक जिनेदिन जिदानलाई लक्षित गर्दै भनिएको हो ? भन्ने प्रश्नमा उनले प्रशिक्षकलाई नभनेको स्पष्ट पारेका छन् ।