काठमाडौं– सत्तारुढ नेकपाका नेता एवं पूर्व गृहममन्त्री जनार्दन शर्माले विप्लव समूहलाई प्रतिवन्ध लगाउन आवश्यक नभएको बताएका छन् ।

सोमबार राज्य व्यवस्था समितिको बैठकमा नेता शर्माले विप्लव समूहलाई प्रतिबन्ध लगाएर राज्यले थप उत्तेजित पार्ने काम गरेको आरोप लगाए । उनले सबैपक्षलाई वार्तामा ल्याइ समस्याको समाधान गर्न सुझाव दिए ।

नेता शर्माले बैठकमा विप्लवका सर्लाही इन्चार्ज कुमार पौडेलको मुठभेडमा मृत्यु भएको भन्ने सरकारी दाबीलाई पत्याउन नसकिने बताए । उनले मुठभेडमा मारिएका व्यक्तिको हात कसरी पाँच ठाउँमा भाँचियो भन्दै गृहमन्त्री रामबहादुर थापासँग प्रश्न गरे ।

यसअघि गृहमन्त्री थापाले पौडेललको प्रहरीसँगको मुठभेडमा मृत्यु भएको बैठकमा जानकारी गराएका थिए । तर घटनाको छानवीन गर्न सकिने गृहमन्त्रीको भनाइ थियो ।