नुवाकोट– जिल्ला प्रशासन कार्यालय नुवाकोटले चालु आर्थिक वर्ष शुरु भएदेखि जेठको पहिलो सातासम्म १८ हजार २ सय ६५ नागरिकता वितरण गरेको छ ।
सो अवधिमा नयाँ नागरिकता बनाउनेको संख्या पाँच हजार ९ सय ६८ तथा प्रतिलिपि नागरिकता बनाउनेको संख्या १२ हजार २ सय ९७ रहेको जिल्ला प्रशासन कार्यालयले जनाएको छ ।
प्रमुख जिल्ला अधिकारी उद्धवबहादुर थापाले गत वर्षको तथ्याङ्क विवरणअनुसार नयाँ नागरिकताको संख्या ७ हजार ३ सय ५५ छ । कार्यालयका अनुसार चालु आर्थिक वर्षको विवरणमा राहदानी र विभिन्न विषयका दस्तुरमा रु दुई करोड ३९ लाख ७८ हजार ६१९ राजस्व संकलन गरेको कार्यालयले जनाएको छ ।
प्रतिक्रिया