काठमाडौं – हलमा रिलिज भएर दर्शकको मन जितेको फिल्म ‘दुई रुपैयाँ’ युट्युबमा रिलिज गरिएको छ । फिल्मलाई हाइलाइटस् नेपालको युटयुबमा च्यानलमार्फत सार्वजनिक गरिएको हो ।

निश्चल बस्नेत, आशिफ शाह, बुद्धि तामाङ, मेनुका प्रधान लगायतका कलाकारको शीर्ष भूमिका रहेको यो फिल्मले हलमा रिलिज हुँदा दर्शकको मन जितेको थियो । जी ट्वान्टीवान पिक्चर्स र ब्ल्याक हर्सको ब्यानरमा निर्माण भएको यो फिल्म कमेडी जानरामा निर्माण भएको हो ।

यस्तै फिल्ममा रविन्द्र झा, राजन इशान, टिका पहारी लगायतका कलाकारले पनि अभिनय गरेका छन् । चलचित्रका निर्देशक असिम शाह हुन् ।