काठमाडौं–  शिक्षा, विज्ञान तथा प्रविधि मन्त्री गिरिराजमणि पोख्रेलले राष्ट्रिय शिक्षा नीतिलाई टुंगो लगाउने तयारी भइरहेको बताएका छन् ।

राज्यका निर्देशक सिद्धान्त, नीति र दायित्वको कार्यान्वयन अनुगमन तथा मूल्यांकन समितिको शुक्रबार बसेको बैठकमा मन्त्री पोखरेलले उच्चस्तरीय राष्ट्रिय शिक्षा आयोगको प्रतिवेदनका आधारमा राष्ट्रिय शिक्षा नीति बनाउने काम भएको जानकारी दिएका छन् ।

आयोगको प्रतिवेदनका आधारमा बनाईएको राष्ट्रिय शिक्षा नीति मन्त्रिपरिषद्मा पेस भइसकेको भन्दै उनले छलफल पनि छिट्टै टुंगोमा पुर्याउने दाबी गरे । राष्ट्रिय शिक्षा नीति पास भएपछि सोही आधारमा विद्यालय र प्राविधिक शिक्षा संग सम्बन्धति र उच्च शिक्षा संग सम्बन्धीत् दुई विधेयक ल्याउने तयारीमा मन्त्रालय लागेको उनको भनाइ थियो ।

उनले संघीय संचरचना अनुसार नै शिक्षाका सम्पुर्ण कार्यालयहरुलाई पुर्न संरचना गरिएको बताए ।