काठमाडौं– भूकम्पका कारण ध्वस्त भएको देशकै पुरानो विद्यालय दरबार हाईस्कूलको मुख्य भवनको पुनःनिर्माण कार्य सम्पन्न भएको छ ।

चीन सरकारको आर्थिक तथा प्राविधिक सहयोगमा दरबार हाईस्कूलको मुख्य भवनको पुनःनिर्माण सम्पन्न भएको हो ।

पुनःनिर्माण सम्पन्न भएको मुख्य भवनको शुक्रबार एक कार्यक्रमका बीच चीनका लागि नेपाली राजदूत हउ यान्छी र राष्ट्रिय पुनःनिर्माण प्राधिकरणका प्रमुख कार्यकारी अधिकृत सुशील ज्ञवालीले उद्घाटन गरेका छन् ।

दरबार हाईस्कूलका प्रधान्याध्यापक हेमचन्द्र महतोले१० महिनाभित्रै भवनको पुनःनिर्माण सम्पन्न भएको जानकारी दिए । यद्यपि उक्त भवनको फिनिसिङको काम सक्न अझै ४ महिना लाग्ने जनाइएको छ ।

पुनःनिर्माण सम्पन्न भवन ४ तलाको छ । भवनमा ४६ कोठा छन् ।

२० महिना भित्र निर्माण कार्य सम्पन्न गर्ने १८ साउन २०७५ देखि दरबार हाईस्कूलको पुनःनिर्माण शुरु गरिएको थियो ।

२०१० सालमा स्थापना भएको दरबार हाईस्कूल नेपालको पहिलो आधुनिक विद्यालय हो । १२ वैशाख २०७२ को विनाशकारी भूकम्पले सो विद्यालयको भवन ध्वस्त बनाएपछि चीन सरकारको आर्थिक तथा प्राविधिक सहयोगमा पुनःनिर्माण शुरु भएको हो ।

आगामी मंसीर भित्र नयाँ भवनमै पठनपाठन शुरु गर्ने पनि हाइस्कुलका प्रधानाध्यापक महतोले बताए ।