रुपन्देही– तिलोत्तमा नगरपालिकामा ११ का मीनबहादुर गौतम मृत्युको घटना लुकाउन खोज्ने पाँच जनालाई प्रहरीले पक्राउ गरेको छ ।

बँदेल मार्न थापेको विद्युतीय धरापमा परेर मृत्यु भएको भनिएका उनको शव मृत्यु भएको १० दिनपछि गाडिएको अवस्थमा प्रहरीले फेला पारेको थियो ।

गौतमको मृत्युपछि शव गाडेर घटना लुकाउन खोजेको आरोपमा प्रहरीले पाँच जनालाई नियन्त्रणमा लिएको हो ।  गत वैशाख १ गते राति खोला किनारमा थापिएको विद्युतीय धरापमा परी उनको मृत्यु भएको जनाइए पनि उनको शव भेटिएको थिएन ।

नजिकैको जंगलमा गौतमलाई गाडेर घटना लुकाउन खोजिए पनि १० दिनपछि प्रहरीले घटना बाहिर ल्याएको थियो ।

गौतमको मृत्युबारे प्रहरीले अनुसन्धान जारी राखेको छ । उनको धरापमा परेर भन्दा पनि हत्या भएको हुनसक्ने प्रहरीले आशंका गरेको छ ।