अमेरिका – अमेरिकन टिभी सिरिज ‘गेम अफ थ्रोन्स’ को आठौँ भाग शुरु भइसकेको छ । यो सिरिजले संसारकै ध्यान तानेको छ । यसको पहिलो एपिसोड १४ अप्रैलमा रिलिज भएको थियो । यो सिजनलाई लिएर दर्शकमा निकै नै चासो पनि छ । किनकि यो अन्तिम भाग पनि हो ।

विश्वभर चर्चा रहेको यो फिल्मका कलाकारले कति पारिश्रमिक लिन्छन् । यसबारेमा जानौँः

सिजन ८ मा डेनेरियस टारगेरियनको भूमिका निभाएकी एमिलिया क्लार्कले प्रति एपिसोड ७ लाख १० हजार डलर पारिश्रमिक लिने गर्छिन् । यो पारिश्रमिक भनेको नेपाली झण्डै ८ करोड हो ।

जोन स्नोको भूमिका निभाएका किट हैरिंगटनले प्रति एपिसोड ७ लाख १० हजार पारिश्रमिक लिन्छन् । उनको पारिश्रमिक पनि नेपाली ८ करोडको हाराहारीमा हुन आउँछ । त्यस्तै सर्सी लेनिस्टरको भूमिका निभाएकी कलाकार लीना हेडेले पनि एक भागबाटै ७ लाख १० हजार डलर पारिश्रमिक लिने गर्छिन् ।

यो सिरिजको सिजन ८ मा जेमी लेनिस्टरको भूमिका निभाएकी कलाकार निकोलाज कोस्टरले नेपाली ७ करोड ५० लाखको हाराहारीमा पारिश्रमिक लिने गर्छिन् । यस्तै टीरियोन लेनिस्टरको भूमिका निभाएका कलाकार पीटर डिङ्टेल पनि सोही यति नै पारिश्रमिक लिने गर्छन् ।

यस्तै सान्सा स्टार्कको भूमिका निभाउने कलाकार सोफी टर्नरले प्रति एपिसोड २ लाख १० हजार डलर पारिश्रमिक पाउँछन् । यो नेपालीमा २ करोड ३५ लाख जति पारिश्रमिक हुन आउँछ ।

यस्तै आर्या स्टार्कको भूमिका निभाएकी कलाकार मेसी विलियम्स र ब्रेन स्टार्कको भूमिका निभाएका कलाकार आइसेक हेम्प्सटेड राइटले पनि प्रति भाग साढे दुई करोड नेपाली पारिश्रमिक लिन्छन् ।