मुम्बई- सन् २००३ मा आएको हिट फिल्म ‘तेरे नाम’ त धेरैलाई याद छ नै । यो फिल्मबाट सलमान खानको अभिनयका अलावा उनको कपालको स्टाइल र लूक पनि खुबै चर्चित भएको थियो । कतिपयलाई त यो फिल्मले रुवाएको पनि थियो ।

हालै मुम्बई मिररलाई दिएको अन्तर्वार्तामा अभिनेता सतीश कौशिकले यो फिल्मको सिक्वेल बनाउनेबारे आफूले तयारी गरेको बताएका छन् ।
भारतीय मिडियाका अनुसार केही दिन पहिले शतीश कौशिकले ‘तेरे नाम २’ को स्किृप्ट लेखेर सकेका छन् । सतीशले बताएका छन् कि, ‘तेरे नाम २’ मा बिल्कुलै नयाँ कहानी हुनेछ । यो पहिलेको कहानीको विस्तारित कथा हुने छैन । फिल्ममा उत्तर भारतको एक ग्याङस्टरको कहानी हुनेछ ।

भारतीय मिडियाले सूत्रको हवाला दिँदै लेखेका छन् कि, फिल्ममा मुख्य कलाकारको नाम राधे नै रहनेछ । ‘तेरे नाम’ तमिल फिल्म ‘सेतु’ को रिमेकका रुपमा यो फिल्म निर्माण भएको थियो । यो फिल्ममा सलमान खानको अपोजिटमा भूमिका चावला थिइन् । यो फिल्मको कहानीले दर्शकको मन जितेको थियो ।

फिल्ममा राधे (सलमान खान) र निर्जरा (भूमिका चावला) को अधूरो प्रेमलाई देखाइएको थियो । सलमान खानको अभिनय रुचाइएको थियो ।

‘तेरे नाम २’ मा सलमान खान नै हुनेछन् या अरु कोही, भन्ने यकिन भन्न नसकिए पनि उनको सलमानको पनि उत्तिकै सम्भावना छ । अर्कातिर दर्शक पनि यसको सिक्वेलमा सलमानलाई नै हेर्न चाहन्छन् । यतिबेला सलमान खानको फिल्म ‘भारत’ को चर्चा छ ।