डडेल्धुरा– डडेल्धुरामा आज बिहान भएको बस दुर्घटना हुँदा ५ जना मृत्यु भएको छ । २८ जना घाइते भएका छन् ।
भीमदत्त राजमार्गअन्तर्गत गन्यपाधुरा गाउँपालिका–१ को साहुखर्क नजिकै बुधबार बिहान पौने ५ बजे ना ६ ख १८३१ नम्बरको बस दुर्घटना भएको हो ।
दुर्घटनामा ५ जनाको घटनास्थलमै मृत्यु भएको डडेल्धुराका प्रहरी निरीक्षक लक्ष्मण खड्काले जानकारी दिए । दुर्घटनामा ज्यान गुमाउनेकाहरुको सनाखत हुन बाँकी रहेको छ ।
धनगढीबाट बझाङका लागि छुटेको बस दुर्घटना भएको हो । घाइतेहरुको उपचारका लागि डडेल्धुरा अस्पताल लगिएको छ ।
बस सडकबाट १०० मिटर तल खसेको जनाइएको छ ।
प्रतिक्रिया