काठमाडौं– आन्द्रे रुुसेलको अलराउण्ड प्रदर्शनमा कलकत्ता नाइट राइडर्सले सनराइजर्स हैदरावादलाई ६ विकेटले पराजित गरको छ ।
ओपनिङ ब्याट्सम्यान क्रिस लायन ७ रनमा आउट हुँदा दबाबमा देखिएको कलकत्ताका लागि तेस्रो नम्बरमा मैदान प्रवेश गरेका रोविन उथ्थपा र ओपनिङ ब्याट्सम्यान नितिश रानाको ब्याटिङ लाइन सुधारेका थिए ।

उनले ८ चौका र ३ छक्काको मद्दतमा ६८ रन र रोविन उथ्थपाले ३५ रन बनाएका थिए । त्यस्तै, पाँचौ नम्बरमा मैदान प्रवेश गरेका रुसेलले १९ बलको सामना गर्दै ४ छक्का र ४ चौकाको मद्दतमा ४९ रन बनाउँदा कलकत्ताले निर्धारित २० ओभरमा २ बल बाँकी हुँदा १ सय ८३ रन बनाएर लक्ष्य पुरा ग¥यो । कलकत्ताका लागि सुभमन गिलले १८ रन बनाएका थिए ।

स्पिन बलर राशिद खानले एक विकेट भन्दा धेरै विकेट लिन नसकेपछि कोलकातालाई जीत हासिल गरेको हो । कलकत्ताविरुद्ध हैदरावादका साकिब अल हसन, सन्दीप शर्मा, सिद्धार्थ काउल र राशिद खानले समान एक—एक विकेट लिए ।

यसअघि, टस हारेर पहिले ब्याटिङको निम्तो पाएको सनराइजर्स हैदरावादका लागि अस्ट्रेलियन क्रिकेटर डेभिड वार्नरले उत्कृष्ट ब्याटिङ गरे । वार्नरको सहयोगमा हैदरावादले २० ओभर पूरा खेल्दै ३ विकेट गुमाएर १ सय ८१ रन बनाएको थियो । वार्नरले ९ चौका र ३ छक्काको मद्दतमा ८५ रन बनाए । उनी लामोसमय देखि अस्ट्रेलियली राष्ट्रिय क्रिकेट टोलीको प्रतिबन्धमा परेका छन् ।

त्यस्तै, विजय शंकरले ४० रन र जोन बाइरिटोले ३९ रन बनाएका थिए । हैदरावादविरुद्ध कोलकाताका आन्द्रे रुसेलले २ विकेट लिएका थिए भने पीयुस चावलाले एक विकेट लिएका थिए ।