काठमाडौं– एएफसी यू–२३ च्याम्पियनसिप छनोट अन्तगर्तको दोस्रो खेलमा नेपाल कतारसँग प्रतिस्पर्धा गर्दैछ । नेपाल र कतारसँगको खेल दोहास्थित एस्पायर एकेडेमीको ५ नम्बर मैदानमा नेपाली समयअनुसार पौने १० बजे शुरु हुनेछ ।

पहिलो खेलमा ओमानसँग १–० गोलले पराजित भएको नेपालका लागि आजको खेल जित्नैपर्ने दवाव रहेको छ । कतारविरुद्ध मैदान उत्रिने सुरुआती ११ को नेपालका मुख्य प्रशिक्षक बाल गोपाल महर्जएनले सार्वजनिक गरेका छन् ।

कतारविरुद्ध नेपाली टोली

गोलकिपरः अर्पण कार्की
डिफेन्डर : सुमन अर्याल, अनन्त तामाङ, दिनेश राजवंशी र कमल श्रेष्ठ
डिफेन्सीभ मिडफिल्ड : तेज तामाङ
मिडफल्डर : गौरव बुढाथोकी, नितिन थापा, अन्जन विष्ट, सुनील बल
स्ट्राइकर : बिमल घर्तीमगर
यसअघिको पहिलो खेलमा पहिलो रोजाईमा मैदान प्रवेश गरेका हेमन्त थापा मगरले आजको खेल गुमाउने भएका छन् । उनको स्थानमा युवा खेलाडी नितिन थापाले स्थान पाएका छन् ।