काठमाडौं– सरकारले नेत्रबिक्रम चन्द विप्लव नेतृत्वको नेपाल कम्युनिस्ट पार्टीलाई चन्दा तथा आर्थिक सहयोग गर्ने व्यक्ति तथा संस्थालाई समेत कारबाही गर्ने चेतावनी दिएको छ ।

गृह मन्त्रालयले आइतबार एक विज्ञप्ती जारी गर्दैै विप्लव नेतृत्वको नेकपालाई चन्दा तथा आर्थिक सहयोग गर्नेलाई प्रचलित कानूनबमोजिम कारबाही गरिने चेतावनी दिएको हो ।

गत फागुन २८ गतेको मन्त्रिपरिषद वैठकले विप्लव नेतृत्वको समूहलाई अपराधिक तथा विध्वंशकारी समूहको सूचीमा राखेको विषय उल्लेख गर्दै गृह मन्त्रालयको प्रवक्ता रामकृष्ण सुवेदीद्वारा जारी गरिएको विज्ञप्तीमा भनिएको छ, ‘यदि कसैले त्यस्ता समूहलाई आर्थिक तथा अन्य सहयोग गरेको पाईमा त्यस्तो सहयोग दिने र लिने वा अन्य कुनै सहयोग गर्ने, गराउने समेतलाई प्रचलित कानून बमोजिम कारबाही हुने छ ।’