मुम्बई – सलमान खानको बहुप्रतीक्षित फिल्म ‘दबंग ३’ को ट्रेलर सार्वजनिक भएको छ । एक्सन र रोमान्सले भरिएको ट्रेलर युट्युबमा हेर्न सकिन्छ ।

यसअघि दुई भागमा चुलबुल पाण्डे बनेर दर्शकको मन जितेका सलमान खानले तेस्रो सिक्वेलमा आउँदा पनि एक्सनलाई नै महत्त्व दिएका छन् । सलमानका फिल्ममध्ये ‘दबंग’ सिरिज लोकप्रिय फिल्म हो ।

सलमान खानले यसअघि फिल्मको क्यारेक्टर पोस्टर सार्वजनिक गरेर दर्शकलाई उत्साहित बनाएका थिए । यतिबेला उनले ट्रेलरबाट दर्शकको मन जितेका छन् । ट्रेलरमा सुदीप र सोनाक्षी सिन्हालाई पनि देख्न सकिन्छ ।

प्रभु देवाले निर्देशन गरेको यो फिलम डिसेम्बर २० मा रिलिज हुँदैछ । यो फिल्म अन्य भाषामा पनि रिलिज हुने सलमान खानको पहिलो फिल्म बन्नेछ ।