कलाकार प्रकाश राज आफ्नो विवादित बयानका कारण  बेलाबेलामा चर्चामा रहने गर्छन् । एक समाचार च्यानलको कार्यक्रममा पुगेका प्रकाश राज फेरि विवादमा तानिएका छन् । हिन्दू संस्कतिमा उत्सवका साथ मनाइने रामलीलालाई चाइल्ड पोर्नसँग तुलना गरेपछि प्रकाश राज विवादमा मुछिएका हुन् ।

दर्शकले उनलाई ट्रोल बनाएका छन् । उनीमाथि हिन्दू धर्ममाथि चोट पु¥याएको आरोप दर्शकले लगाएका छन् । साथै प्रकाश राजले अभिव्यक्ति दिएको एक भिडियो सामाजिक सञ्जालमा भाइरल बनेको छ ।

‘यो नचाहिने कुरा हो कि हेलिकोप्टर एक पुष्पक विमान हो, उनमा ३ मोडल मेकअप गरेर राम, लक्ष्मण र सीता बनेर आउँछन्,’ प्रकाश राजले भनेका छन्, ‘फेरि त्यहाँ भएका मान्छेले ती मोडलको पूजा गर्न थाल्छन्, म यो देशमा यस्तो देख्न चाहन्न, यो पूरै वाहियात छ ।’

रामलीलालाई इंगित गर्दै प्रकाश राजले भनेका छन्, ‘यदि मान्छेले भोट दिन्छन् भने उनीहरुलाई छोड्छन् त? यदि बच्चाले पोर्न फिल्म हेर्छन् भने तपाईंले उनीहरुलाई छोडिदिनुहुन्छ? यी दुवै समाजका लागि हानीकारक छन् ।’

लगत्तै अन्तर्वार्ताकारले ‘चाइल्ड पोर्न’ सँगै तुलना गरेको भन्दै प्रश्न उठाउँछन् । यसको उत्तरमा प्रकाश राजले रामलीला जस्तो कार्यक्रम समाजका लागि सही नभएको प्रतिक्रिया दिन्छन् । यसले अल्पसङ्ख्यकमा डरको माहोल बनाउने उनको तर्क छ ।

प्रकाश राजले दिएको अभिव्यक्तिपछि उनी ट्रोलको शिकार भएका छन् । कतिपयले उनलाई पक्राउ गर्नुपर्ने भन्दै सामाजिक सञ्जालमा लेखेका छन् ।