काठमाडौं- प्रधानमन्त्री केपी शर्मा ओलीले आँपको विरुवा रोपेर आफ्नो जन्मदिन मनाएका छन् ।
६८ औं जन्मोत्सवको अवसरमा प्रधानमन्त्रीले बालुवाटारमा परिसरमा स्थानीय नर्सरीबाट ल्याएको आँपको विरुवा रोपेका हुन् । सोही अवसरमा प्रधानमन्त्री पत्नी राधिका शाक्यले अम्बाको विरुवा रोपेकी छन् ।
प्रधानमन्त्री ओलीले जन्मदिनको अवसरमा केक पनि काटेका छन् । उनले पत्नी राधिका र बुबा मोहनप्रसाद ओलीलाई बर्थडे केक खुवाएका थिए । प्रधानमन्त्री ओलीको जन्मदिन मनाउन नेकपा प्रवक्ता नारायणकाजी श्रेष्ठ पनि बालुवाटार पुगेका थिए।
प्रधानमन्त्री ओली २००८ साल फागुन ११ गते तेह्रथुमको इवामा जन्मिएका हुन्।
प्रतिक्रिया