काठमाडौं- चन्द्रागिरि नगरपालिकाको मच्छेगाउमा आज (शनिबार) बिहानै राँगोले आक्रमण गर्दा एकजनाको मृत्यु भएको छ ।
महानगरीय प्रहरी वृत्त थानकोटका डिएसपी कुमारविक्रम थापाका अनुसार राँगोको आक्रमणमा ७० वर्षीय मानबीर महर्जनको मृत्यु भएको हो ।
बिहानै घरबाट बाहिर निस्किएका महर्जनलाई सडकमा आतंक मच्चाउँदै हिडेको राँगोले आक्रमण गरेको थियो । आक्रमण गर्ने राँगोलाई प्रहरीले लखेट्दै दहचोक पुर्याएर गोली हानी मारेको छ ।
राँगोले मान्छे मारेपछि महानगरीय प्रहरी वृत्त थानकोटबाट खटिएको प्रहरी टोलीले राँगो नियन्त्रणमा लिने प्रयास गरेपनि नसकेपछि राँगोमाथि गोली चलाएको प्रहरीले जनाएको छ ।
प्रतिक्रिया