दोलखा- चार हजार रुपैयाँ घुस लिने कर्मचारी पक्राउ परेका छन् । सेवाग्राही कुमार श्रेष्ठबाट घुस लिएका घरेलु तथा सानो उद्योग विकास समिति दोलखाका खरिदार पुष्कर अधिकारी मंगलबार अपराह्न आफ्नै कार्यकक्षबाट पक्राउ परेका हुन।

वैत्यश्वर गाउँपालिका–१ गैरीमुदीका श्रेष्ठले होटल दर्ता गर्न जाने क्रममा २० हजार एक सय घुष मागेकोमा ४ हजारमा कुरा मिलेको थियो ।

तर कुमार श्रेष्ठले ४ वटा हजारको नोटको फोटो खिचेर पैसा दिएसँगै प्रहरीलाई समेत खबर गरेपछि खरिद अधिकारीलाई कार्यलयबाटै पक्राउ गरिएको थियो।

कार्यलय भएकै घरमा बस्ने गरेका अधिकारीको कोठामा खानतलासी गर्दा थप ६९ हजार नौ सय ५० रुपैयाँ रकम फेला परेको जिल्ला प्रहरी कार्यलय दोलखाका प्रहरी निरीक्षक प्रदिप महतले जानकारी दिए ।

नमोबुद्ध नगरपालिका–२ भकुण्डेवेसी काभ्रेका अधिकारीलाई जिल्ला प्रहरी कार्यलय दोलखामा राखि अनुसन्धान अगाडि बढाएको उनले बताए ।