काठमाडौं – भुवन थापा चन्दले निर्माण गरेको चलचित्र ‘साइनो’को आइटम गीत सार्वजनिक गरिएको छ । उक्त गीतको भिडियो युट्युबमार्फत सार्वजनिक गरिएको हो ।

‘क्या बात छ’ बोलको गीतमा मीना निरौलाको आवाज सुन्न सकिन्छ । यस्तै गीतमा यमन सुवेदीको शब्द तथा किरण भुसालको संगीत रहेको छ ।

गीतको भिडियोमा नायिका नीता ढुंगानाले राजकुमार र राजा राजेन्द्र पोखरेलसँग कम्मर मर्काएकी छिन् ।

चन्द्र बिनायक फिल्म प्रोडक्सनको ब्यानरमा बनेको यो फिल्ममा रमेश थापाको निर्देशन छ । यस्तै फिल्ममा मिरुना मगर, भुवन थापा चन्द, बसुन्धरा भुसाल, मदनदास श्रेष्ठ, रोयदीप श्रेष्ठ, श्याम राई, शिखा तामाङ, राजा राजेन्द्र पोखरेल, रेगन क्षेत्री लगायतका अन्य कलाकारहरुले समेत अभिनय गरेका छन् ।

साउन २४ गतेबाट प्रदर्शनमा आउने यो फिल्ममा अभिमन्यु निरवीको कथा रहेको छ । त्यसै गरी फिल्ममा रामेश्वर कार्कीको छाँयांकन, रामजी लामिछानेको कोरियोग्राफी, बनिश शाहको सम्पादन रहेको छ ।