काठमाडौं – अभिनेता रमित ढुंगानाको शीर्ष भूमिका रहने गरी चलचित्र ‘राजा साहेब’ निर्माणको घोषणा गरिएको छ । सोमबार राजधानीमा एक कार्यक्रममा आयोजना गर्दै फिल्मको औपचारिक घोषणा गरियो ।

चलचित्रलाई बिचल किरातीले निर्देशन गर्नेछन् भने फिल्ममा रमित ढुंगाना, धिरेन शाक्य, जयकिशन बस्नेत, उमेश खड्का, प्रज्जजल गिरी, टार्जन लगायतका कलाकारले अभिनय गर्नेछन् । यही फिल्मबाट सोनिका केसी र आइशा राईले फिल्ममा डेब्यु गर्दैछन् ।

फिल्ममा निर्देशक राईकै लेखन रहनेछ । यस्तै फिल्ममा ओम सुनुवारको संगीत, रामजी लामिछानेको नृत्य निर्देशन, श्री श्रेष्ठको द्वन्द्व निर्देशन रहने छ । पवन गौतमको छायांकन रहने यो चलचित्रलाई समिर मियाँले सम्पादन गर्नेछन् ।

बुधवारबाट फ्लोरमा उत्रिने यो फिल्म तिहारमा रिलिज गरिने निर्माण टिमको लक्ष्य छ ।