इथियोपिया– इथियोपियाका प्रधानसेनापति सियर मेकोनेनको उनकै अंगरक्षकले ज्यान लिएका छन् ।

राजधानी अदिस अबाबामा अंगरक्षकले नै प्रधानसेनापतिको गोली हानी हत्या गरेको एक टेलिभिजनमार्फन इथियोपियाका प्रधानमन्त्री अबिय अहमदले पुष्टि गरेका हुन् । उक्त गोलीकाण्डमा अम्हारा राज्यका अध्यक्ष अम्बाचे मेकोन्नेन र अरु केही उच्च अधिकारीहरुको पनि हत्या भएको बताइएको छ ।

संयुक्तराज्य अमेरिकाको दूतावासले राजधानी आदिस अबाबाका विभिन्न भागमा गोली चलेको जनाएको छ । घटनापछि इथियोपियाको इन्टरनेट सेवा देशैभर बन्द गरिएको जनाइएको छ ।

प्रधानमन्त्री कार्यालयद्वारा जारी वक्तव्यमा अम्हारामा भएको सैनिक विद्रोह असंवैधानिक रहेको शान्ति व्यवस्था खल्बल्याउन खोजिएको उल्लेख छ । मुलुकका नौ वटा स्वायत्त क्षेत्रमध्ये अम्हारा दोस्रो ठूलो क्षेत्र हो । यसको सीमा सुडानसँग जोडिएको छ।