भारत– भारतको विपक्षी दल काँग्रेस पार्टीका प्रमुख राहुल गान्धीले दक्षिणी राज्य केरलाको वायनाड निर्वाचन क्षेत्रमा फराकिलो मत अन्तरले विजयी भएसँगै संसद्मा उनको प्रतिनिधित्व निश्चित भएको छ ।

वायनाडमा उनले ४ लाख २८ हजारभन्दा धेरै मत अन्तरले निकटतम प्रतिद्वन्द्वी भारतीय कम्युनिष्ट पार्टी भाकपाका पीपी सुनिरलाई पराजित गरेका हुन् । गान्धीले ७ लाख ४ हजार ३८ मत प्राप्त गरे । उनका निकटतम प्रतिद्वन्द्वी सुनिरले भने २ लाख ७३ हजार ५ सय ५० मत ल्याए ।

यद्यपि राहुल गान्धी उत्तर प्रदेशको अमेठीमा भने भारतीय जनता पार्टी भाजपाकी उम्मेद्वार स्मृति इरानीसँग पराजित हुने करिब–करिब निश्चितजस्तै बनेको छ ।

अमेठीमा गान्धीले २ लाख ७६ हजार ७ सय १३ मत प्राप्त गरेका छन् भने स्मृति इरानीले ३ लाख १५ हजार ०५८ मतका साथ गान्धीलाई उछिनेकी छन् ।