काठमाडौं– मलेसियाका लागि नेपाली राजदूत उदयराज पाण्डे र मलेसियाका मानव संशाधन मन्त्री कुला शेरागनबीच बिहीबारमलेसियाको पुत्राजयमा द्विपक्षीय भेटवार्ता भएको छ ।

भेटमा आउदो मंगलबारसम्म नयाँ मापदण्डअनुसार स्वास्थ्य मेडिकल संस्था टुंग्याउने विषयमा छलफल भएको मलेसियास्थीत नेपाल दूतावासले जानकारी दिएको छ ।

मानव संशाधन मन्त्रीसँग भएको भेटमा पछिल्लो प्रगति र अन्य विषयमा छलफल भएको राजदूत पाण्डेले बताए ।

मलेसियासँग कामदारको स्वास्थ्य परीक्षण गर्ने, स्वास्थ्यकासँग जोडिएका विषय चाँडै टुगांउन गरि छलफल भएको पाण्डेको भनाइ छ ।

मलेसिया मन्त्री शेरागनले मंगलबारसम्म सवै विषय टुगाउने आश्वासन दिएको उनले जानकारी दिए ।

मलेसियामा नेपाली कामदार जान एक वर्षदेखि रोकिएको छ । मन्त्रीसँगको भेटमा राजदूत पाण्डेले स्वास्थ्य मापदण्ड पुगेका सबै स्वास्थ्य संस्थाले कामदारको स्वास्थ्य परीक्षण गर्न पाउनुपर्ने भन्दै तत्काल अनुगमनका लागि टोली पठाइदिन आग्रह गरेको जानकारी दिए ।

हाल काम गरिरहेका ३९ वटा स्वास्थ्य संस्थाका बारेमा पनि छलफल भएको राजदूत पाण्डे बताए । ती कम्पनीलाई मलेसियाको बेस्टिनेट कम्पनीले छानेको हो । यसका समयअवधि अझ डेढ वर्ष छ । हाल नेपालले मलेसिया जाने कामदारका स्वास्थ्य परिक्षण गर्ने मेडिकल संस्थाको छनोट गरिरहेको छ ।