काठमाडौं- प्रदेश ३ सरकारले ११ औं गणतन्त्र दिवस भव्य रुपमा मनाउने भएको छ । गणतन्त्र दिवस मनाउन मुख्यमन्त्री डोरमणि पौडेलको अध्यक्षतामा समिति नै गठन गरिएको छ । प्रदेश नं ३ को हेटौँडामा जेठ १४, १५ र १६ गते मनाइने कार्यक्रमका लागि मुख्यमन्त्री पौडेलको अध्यक्षतामा ४११ सदस्यीय गणतन्त्र दिवस मूल समारोह समिति गठन गरिएको छ ।

समारोह समितिलाई सहयोग पुर्‍याउन विभिन्न पाँच उपसमिति पनि गठन गरिएको छ । प्रचारप्रसार उपसमितिको संयोजकमा आन्तरिक मामिला तथा कानून सालिकराम जम्कट्टेल रहेका छन् । अतिरिक्त क्रियाकलाप सञ्चालन गर्ने उपसमितिको संयोजकमा सामाजिक विकास मन्त्री युवराज दुलाल, प्रभातफेरी एवं सजावट उपसमितिको संयोजकमा मकवानपुर जिल्ला समन्वय समितिका प्रमुख रघुनाथ खुलाल छन् ।

हेटौँडा नगरको सरसफाइको उपसमितिको संयोजकमा हेटौँडा उपमहानगरपालिकाका प्रमुख हरिबहादुर महत र मञ्च सजावट र व्यवस्थापनको उपसमितिको संयोजकमा मकवानपुरका प्रजिअ आस्मान तामाङ छन् ।