नेपालगञ्ज– आठौं राष्ट्रिय खेलकुद अन्तर्गत नेपालगञ्जमा जारी पुरुष फुटबलको उपाधिका लागि दुई विभागीय टोली नेपाल पुलिस क्लब र त्रिभुवन आर्मी क्लब भिड्ने भएका छन् ।

मंगलबार भएको दोस्रो सेमिफाइनल खेलमा नेपाल पुलिस क्लले अर्को विभागी टोली सशस्त्र प्रहरीको एपीएफलाई २–१ गोल अन्तरले हराउँदे आर्मीसँगको भेट पक्का गरेको हो ।

पुलिसको जितका लागि खेलको ९ मिनेटमा रवि पासवानले गोल गरेका थिए । १–० ले अघि रहेको पुलिसका लागि खेलको ३३ औं मिनेटमा तेज तामाङले गोल गर्दै २–० को अग्रता बनाए ।

पहिलो हाफमा पुलिस २–० ले अग्रता रहेको खेलको ७२ औं मिनेटमा एपीएफका लागि आशिष लामाले गोल सान्तवना गोल फर्काए ।

यसअघि आज विहान भएको पहिलो सेमिफाइनलमा विभागीय टोली आर्मीले प्रदेश ५ हराउँदै फाइनल यात्रा तय गरेको थियो । फाइन खेल बुधबार हुनेछ ।