मुम्बई – बलिउड कलाकार रणवीर सिंह र दीपिका पादुकोण मुम्बईमा एक बिहे भोजको कार्यक्रममा पुगेका थिए । जहाँ रणवीर कालो पोशाकमा सजिएर गएका थिए भने दीपिका रातो र सेतो रंगको पोशाकसँगै साडीमा देखा परेकी थिइन् । उक्त तस्वीरहरु सामाजिक सञ्जालमा भाइरल भइरहेका छन् ।

यी दुईको एउटा यस्तो तस्वीर सार्वजनिक भएको छ, जसमा रणवीर सिंहले हातमा चप्पल (स्याण्डल) समाएको देख्न सकिन्छ । त्यतिबेला दीपिका अतिथिसँग भेटघाट गर्नमा व्यस्त हुन्छिन् । त्यहाँ रणवीर दीपिकाको पछि हुन्छन् । उनको हातमा दीपिकाका स्याण्डल हन्छन् ।

पत्नीका स्याण्डल लिएको तस्वीर सामाजिक सञ्जालमा भाइरल भइरहेको छ । केही दिनअघि मात्र सोनम कपूरका पति आनन्द आहूजाले सोनमको जुत्ताको फित्ता बाँधेको तस्वीर पनि भाइरल भएको थियो ।

उक्त बिहे भोजमा रणवीर र दीपिकाको जोडीले सबैको ध्यान खिचे । यी दुईलाई प्रफेक्ट जोडीका रुपमा पनि लिने गरिएको छ ।

रणवीर सिंहको यस वर्ष ‘गल्ली ब्याइ’ रिलिज भएको थियो । फिल्मले बक्स अफिसमा शानदार व्यापार गरेको थियो ।