काठमाडौं- नबिल बैंकले साना तथा मझौला उद्यमीलाई लक्षित गर्दै नयाँ ऋण योजना ल्याएको छ। बैंकले युकेएड सक्षम सक्षम फाईनान्ससंग सहकार्यमा ऋण बिस्तार योजना ल्याएको हो।

उक्त योजनामा ऋणको आवेदन दिएको ३५ घण्टामै पैसा उपलब्ध गराइने छ। बैंकले सोमबार पत्रकार सम्मेलन गर्दै ७५ लाखसम्मको साना तथा मझौला ऋण ३५ घण्टाभित्र उपलब्ध गराउने जानकारी दिएको हो ।

यसको अधिकतम ब्याज दर साढे १० प्रतिशत कायम गरिएको छ । यो ब्याज दर एक वर्षसम्म बढ्दैन । बैंकले क्रेडिट स्कोरिङ मोडेलमार्फत ऋण पाउन कतिको योग्य हो होइन भनेर मूल्यांकन गर्ने छ ।

बैंकका प्रमुख कार्यकारी अधिकृत अनिलकेशरी शाहले बैंक ३५ वर्ष पुगेको उपलक्ष्य पारेर ३५ घण्टामै ऋण स्वीकृत गर्ने स्किम ल्याएको बताए ।

उनले आगामी दिन साना तथा मझौला उद्यमको रहेको भन्दै आजको एसएमइ नै भोलिको कर्पोरेट रहेको बताए ।

नबिल सजिलो एक्सप्रेस कर्जा लिँदा कारोबार सूचना, मासिक विद्युतीय बैंकिङ विवरण, क्रेडिट कार्ड निःशुल्क उपलब्ध हुने छ । बैंकले सक्षमसँगको सहकार्यमा ऋण योजना सुरू गरेको हो ।

बैंकका नेपाल भरको सबै शाखाहरुबाट ऋण उपलब्ध हुनेछ । सक्षमका टिम लिडर निर्मल दाहालले नबिलसँग विकटमा शाखा खोल्नेसहित यो दोस्रो सहकार्य रहेको बताउँदै यसबाट उद्यमशीलतालाई बढावा पुग्ने जानकारी दिए ।