इटली– इटालियन सुपर कप फुटबलको उपाधि लाजिओले जितेको छ ।

उपाधि भित्र्याउनका लागि लाजिओले युभेन्टसलाई पराजित गरेको थियो । साउदी अरेबियाको रियादमा आइतबार राति भएको खेलमा लाजिओले युभेन्टसलाई ३–१ ले पराजित गर्दै उपाधि जितेको हो ।

युभेन्टसका फर्वार्ड क्रिष्टियानो रोनाल्डो, पाउलो डिबालासहितको युभेन्टसलाई लाजिओले पराजित गरेको हो । खेलमा शुरुवाती अग्रता लाजिओले गरेको थियो ।

खेलको १६ औँ मिनेटमा लुइस अल्बर्तोले गोल गर्दै सुरुवाति अग्रता दिलाएका थिए । ४५ औँ मिनेटमा पाउलो डिबालाले युभेन्टसका लागि बराबरी गोल फर्काए । ७३ औँ मिनेटमा सेनाड लुलिकले गोल गरेपछि पुनः लाजिओले अग्रता लियो ।

इन्जुरी समयको तेस्रो मिनेटमा युभेन्टसका रोड्रिगो बेन्ताकुरले रातो कार्ड पाए । इन्जुरी समयको चौथो मिनेटमा डानिलो काताल्दीले लाजिओका लागि गोल गरे र टिमलाई ३–१ को जित दिलाए ।