काठमाडौं– काठमाडौंमा जारी सहिद स्मारक ए डिभिजन लिग फुटबल अन्तर्गत आज दुई वटा खेल हुँदैछन् । आज हुने दुबै खेल दशरथ रंगशालामा हुनेछन् ।
पहिलो खेलमा विभागीय टोली त्रिभुवन आर्मी क्लब र साविक विजेता मनाङ मर्स्याङ्दी क्लब आमने–सामने हुनेछन् । खेल मध्यान्ह १२ बजेबाट हुनेछ ।
आजै हुने दोस्रो खेल थ्री स्टार क्लब र अर्को विभागीय टोली नेपाल पुलिस क्लबबीच प्रतिस्पर्धा हुनेछ । खेल दिउँसो ३ बजेबाट हुनेछ ।
यसअघि भएको खेलमा मनाङ र आर्मी दुबैले जित दर्ता गरिसकेका छन । दुबै टिम शीर्ष स्थानको लागि भिड्नेछन् ।
पुलिस र थ्रीस्टारले आफ्नो पहिलो खेलमा बराबरी खेलेका थिए । दुबै टिम तीन अंक बटुल्ने दाउमा छन् ।
प्रतिक्रिया