वुहान– चीनको हुवेयी राज्यअन्तर्गत वुहान शहरको युनियन अस्पतालमा ६६ दिन (२ महिना ३) दिन उमेरकी एक बालिकाको मुटुको सफल प्रत्यारोपण (ट्रान्सप्लान्ट) गरिएको छ । रुईरुइ नाम गरिएकी ती बालिका मुटुको उपरेशन गरिएकी एसियाकै कम तौल तथा उमेर भएकी बालिकाको रुपमा लिइएको छ । उनको तौल ३ किलोग्राम रहेको जनाइएको छ ।

सर्जिकल टीमको नेतृत्व गरेका डाक्टर डोंग नियांगुका अनुसार एक ४ वर्षीय बालकको मुटु रुईरुइमा प्रत्यारोपण गरिएको हो ।

मुटु लिइएका ४ वर्षीय बालकको एक ठूलो भवनबाट खसेर मृत्यु भएको थियो ।

चिकित्सकहरुले मुटुको प्रत्यारोपण गरिए पछि हुने संक्रमणबाट रुईरुइ मुक्त रहेको जनाएका छन् । यद्यपि, उनको रेखदेखका लागि ३ महिनासम्म आईसीयूमा राखिने छ ।

यसअघि चीनमा नै एक ११३ दिनको उमेरका बालकको मुटुको प्रत्यारोपण गरिएको थियो । ती बालकको तौल ४.२५ किलो थियो ।