काठमाडौं– नेपाल सरकारको मन्त्रीपरिषद्को बैठक अब देखि भिडियो कन्फ्रेंसिंगबाट पनि हुने भएको छ ।

मन्त्रिपरिषदको बैठकले गरेका निर्णयबारे विहीबार जानकारी गराउँदै संचार तथा सूचना प्रविधि मन्त्री गोकुल बाँस्कोटाले मन्त्रिपरिषदको बैठक भिडियो कन्फ्रेसिंगबाट पनि गर्न सकिने निर्णय भएको बताए ।

मन्त्रिपरिषद्को बैठकले नेपाल सरकारको कार्यसम्पादन नियमावली २०६५ लाई संशोधन गरी प्रधानमन्त्री स्वदेश वा विदेश भ्रमणमा रहेको समयमा पनि भिडियो कन्फ्रेंसिंग लगायतका सूचना प्रविधिको प्रयोग गरेर मन्त्रिपरिषदको बैठक बस्न सक्ने गरी नियमावली संशोधन गरिएको संचार मन्त्री बाँस्कोटाले जानकारी दिए ।

सरकारले गरेको यो निर्णयबाट स्वास्थ्य परीक्षणको शिलशिलामा सिंगापुर गएका प्रधान मन्त्रीले भिडियो कन्फ्रेंसिंगमार्फत बैठकको अध्यक्षता गर्दै निर्णय गर्न सक्नेछन् । यस्तै मन्त्रिपरिषदको बैठकले तराई मधेश द्रुत मार्गको केही स्थानमा बाटो परिवर्तन गर्ने निर्णय पनि गरेको छ ।