काठमाडौं– प्रभु बैंकले विदेशी मुद्रा सटही सुविधालाई मोबाइलमार्फत अनलाईन आवेदन गर्न सकिने एप्लिकेसन”Prabhu Easy Forex” सञ्चालनमा ल्याएको छ ।

प्रभु बैंक लिमिटेडले सोमबार पत्रकार सम्मेलन गरी “Prabhu Easy Forex” बारे जानकारी गराएको हो । बैंक सम्मै पुगेर सटहीको आवेदन गर्नुपर्ने लामो प्रक्रियालाई “Prabhu Easy Forex” ले प्रविधिमैत्री तथा सरलीकृत गर्ने बैंकका सीईओ मणीराम पोख्रेलले जनाए ।

“Prabhu Easy Forex” मोबाईल एप हाल प्ले स्टोरबाट सजिलै डाउलोड गर्न सकिने छ । यो एप्लीकेसन मार्फत बैदेशिक मुद्रा सटहीको लागि अनलाईन आवेदन गर्न सकिनेछ ।

बैंकले तुरुन्तै आवेदकलाई एसएमएस मार्फत सटही हुन सक्ने/नसक्ने जानकारी गराउनुका साथै सटहीको व्यवस्था हुने भएमा शाखा वा काउण्टरको पनि जानकारी दिनेछ ।

बैंकले त्रिभुवन अन्तर्राष्ट्रिय विमानस्थलस्थित बैंकको काउण्टरबाट समेत सहजै यो सुविधा उपलब्ध हुने व्यवस्था मिलाइएको जनाएको छ ।