नयाँ दिल्ली– भारतीय प्रधानमन्त्री नरेन्द्र मोदी आगामी अगष्टमा दुई दिने औपचारिक भ्रमणका लागि भुटान जाने भएका छन् ।

यो भ्रमणबाट छिमेकीलाई प्राथमिकता दिने विदेश नीतिप्रति भारत सरकारको उच्च प्राथमिकतालाई प्रतिबिम्बित गर्ने भारतीय अधिकारीहरुले बताएका छन् ।

गत महिना भारतीय विदेश मन्त्री एस जयशंकरले भुटनको दुई दिने भ्रमण गरेका थिए । विदेशमन्त्रीको रुपमा उनको यो पहिलो विदेश भ्रमण थियो ।

दुवै देशबीच रहेको विशिष्ट सम्बन्ध प्रधानमन्त्री मोदीको भ्रमणबाट थप गतिशील र प्रगाढ हुने विश्वास लिइएको छ ।

यसअघि जयशंकरले भ्रमणका क्रममा भुटानी प्रधानमन्त्री लोटे छिरिङसँग भेटवार्ता गरी द्विपक्षीय सहयोगलाई अझ गति दिनेबारे छलफल गरेको भारतीय विदेश मन्त्रालयले जनाएको छ ।