काठमाडौं – राजधानीमा ‘औद्योगिक शान्ति नेपाल म्युजिक अवार्ड २०७६’ हुने भएको छ । आउँदो भदौ २५ गते अवार्डको कार्यक्रम हुने आयोजकले जनाएको छ ।

आयोजक स‌ंस्थाका अध्यक्ष सन्दीप महतका अनुसार स‌ंगीत क्षाेत्रमा नयाँ आयाम थप्नका लागि यो अवार्डको आयोजना गर्न लागिएको हो ।

म्युजिक अवार्डका लागि आवदेन दर्ता फारम खुला गरिएको जनाइएको छ । वि‍.सं. २०७५ साल वैशाखदेखि चैत्र मसान्तसम्म सार्वजनिक भएका गीत संगीतलाई अवार्डका लागि समावेश गरिने आयोजकले जनाएको छ । नवप्रतिभाले ०७५ मा गीत बजारमा ल्याएको हुनुपर्ने छ ।

उत्कृष्ट नवप्रतिभा, रचनाकार, लोक तथा दोहोरी गायक पुरुषरमहिला, राष्ट्रिय गीत, पप र आधुनिकरप्ले ब्याक सिंगर गायक र गायिका, भाषा भाषिका गित म्युजिक भिडियो, एल्बम लगायत विभिन्न विधामा अवार्ड प्रदान गरिने आयोजकले जनाएको छ ।

अवार्डमा नेपाली गीत संगीतको क्षेत्रमा योगदान पुर्‍याएका एक जना विशिष्ठ व्यक्तिलाई लाइफ टाइम अचिभमेन्ट अवार्ड प्रदान गरिने र नेपाल कला क्षेत्रमा कलम चलाउने पत्रकारलाई समेत सम्मान गरिने आयोजकले जनाएको छ ।