हङ्‌कङ– हङ्‌कङमा लोकतन्त्रको माग गर्दै भएको र्‍यालीमा हिंसा भड्किएपछि प्रहरीले अश्रुग्यास र रबरका गोली प्रहार गरेको छ ।

प्रदर्शनकारीले प्रहरी घेरा तोड्दै प्रहरी तर्फ सामान फ्याकेपछि अश्रुग्यास र रबरका गोली चलाउनु परेको अधिकारीहरुले जनाएका छन् ।

प्रदर्शनकारीहरूले चीनको केन्द्रीय सरकारी कार्यालयतर्फ बढ्दै त्यहाँका भवनहरूमा अण्डा फ्याकेका थिए। प्रहरीको कारवाहीमाकम्तीमा ३६ जना प्रदर्शनकारी घाइते भएका छन् ।

आइतवारको प्रदर्शनको आयोजना गर्नेहरूले ४ लाख ३० हजार जनाभन्दा बढीले प्रदर्शनमा भाग लिएको बताएका छन् ।
प्रहरीले भने १ लाख ३८ हजार जनाले प्रदर्शन गरेको जनाएको छ।

बन्दै गरेको सुपुर्दगीसम्बन्धी कानुनलाई लिएर शुरुमा यस्तो विरोध प्रदर्शन थालिएको थियो। तर पछि यो लोकतन्त्रको माग तर्फ केन्द्रीत भएको थियो ।

आइतवार अबेर नकाब लगाएको दङ्गा नियन्त्रण गर्ने प्रहरी हातमा ढुङ्गामुढा छेक्ने सुरक्षाढालसहित त्यहाँको मुख्य टापुस्थित एउटा नौका टर्मिनल नजिकै प्रदर्शनकारीतर्फ बढिरहेको देखिएको बीबीसीले जनाएको छ ।

आइतवार प्रदर्शनकारीले लगातार प्रदर्शनको सातौँ सातामा ठूलो प्रदर्शन गरेका थिए। उक्त प्रदर्शनलाई मुख्य चिनियाँ सरकारी कार्यालयहरू रहेको केन्द्रमा पुग्न नदिइकन वान चाईमा रोकिएको थियो ।

त्यसका लागि करिब ४ हजार प्रहरी अधिकारीहरू खटाइएका थिए । पछिला अधिकांश प्रदर्शन शान्तिपूर्ण रहेका थिए। तर ती प्रदर्शनले हिंसालाई बढावा दिएका थिए।