एजेन्सी– बलिउडकी चर्चित अभिनेत्री हुन् काजोल । बेखुदीबाट बलिउडमा डेब्यु गरेकी उनले कैंयौ भारतीय चलचित्रमा अभिनय गरिसकेकी छिन् ।

उनको अभिनय रहेका प्रायः चलचित्र हिट छन् । २५ मे १९७२ मा जन्मिएकी काजोलले २५ वर्षको उमेरमा बलिउड अभिनेता अजय देवगनसँग विवाह गरेकी हुन् । हाल आएर उनले अजय देवगनसँग विवाह गर्नुको कारण खोलेकी छिन् ।

१६ वर्षको उमेरदेखि नै अभिनय यात्रा थालेकी काजोलले अभिनय यात्राकै क्रममा अजयसँग प्रेमसम्बन्धमा रहेर विवाह गरेकी हुन् । अहिले उनकी एक छोरी समेत रहेकी छिन् । काजोलले १९९९ मा अजय देवगनसँग विवाह गरिन् ।

उनी भन्छिन्, ‘मैले काम गरेको लगभग ९ वर्ष भएको थियो । हरेक वर्ष ४–५ वटा फिल्महरु आइरहेको थियो । मसँग सबै कुराहरु थियो । पैसा, सफलता भएपनि समय थिएन । त्यसैले विवाह गर्छु र वर्षमा एउटा मात्र फिल्म गर्छु ।’

उनले पहिलो फिल्मबाटनै धेरै फ्यान कमाउन ससफल भएकी थिइन् । त्यो भन्दा पनि बलिउड अभिनेता शाहरुख खानसँग ‘कुछ कुछ होता है’ फिल्ममा अभिनय गरेपछि उनी थप चर्चा चुलिएको हो । उनी चलचित्रका अलावा सामाजिक कार्यक्रमा पनि उत्तिकै सक्रिय छिन् भने भगवान शिवको पूजाआराधनामा पनि उत्तिकै समय खर्चिन्छिन् ।