काठमाडौं । शहीद स्मारक बी डिभिजन लिगको पहिलो खेलमा झम्सिखेल युथ क्लव र ब्याइज युनियन क्लवबीच प्रतिस्पर्धा हुने भएको छ ।

एन्फाले सोमबार सार्वजनिक गरेको खेल तालिका अनुसार पुस २५ गते प्रतियोगिताको पहिलो दिन दुई खेल हुनेछन । शुक्रबारबाट सुरु हुने प्रतियोगिताको पहिलो खेलमा झम्सिखेल र ब्याइज युनियन तथा दोस्रो खेलमा टुसाल र श्री भगवती क्लव विच प्रतिस्पर्धा हुनेछन । दुबै खेल एन्फा मैदान सातदोबाटोमा हुनेछ ।

कुल १२ टिमको सहभागिता हरेको प्रतियोगिताको समुह ए मा झम्सिखेल, आरसिटी, श्रीकुमारी, सातदोबाटो, नयाबस्ती र ब्याइज युनियन रहेका छन ।

यस्तै समुह बी मा टुसाल, पुल्चोक, मध्यपुर युथ, खुमल्टार युवा, बारवारी क्लव र श्रीभगवती क्लवको सहभागिता रहेको छ । लिगको पहिलो चरणमा ३० खेल हुनेछन । त्यसपछि दोस्रो चरणका खेलहरु सुरु हुनेछन ।