काठमाडौं – क्लब फुटबलरको सरुवा बजार खुल्ला भइरहँदा म्यान्चेस्टर युनाइटेडका स्टार खेलाडी पाउल पोग्वाको पनि बजारमा चर्चा भइरहेको छ । 

यतिसम्मकी उनलाई इटालियन जाइन्ट र स्पेनिस महारथि रियल मड्रिडले लिन चाँसो देखाए । 

त्यस्तैमा पोग्वा स्वयमले पनि नयाँ चुनौतिका लागि अहिलेको समय सहि भएको बताइसकेका छन् । तर फ्रान्सेली खेलाडी पोग्वालाई इंग्लिस क्लब युनाइटेड भने छाड्ने योजनामा नरहेको स्पेनिस फुटबल पत्रिका मार्काले उल्लेख गरेको छ ।

पोग्वाका लागि रियलका मुख्य प्रशिक्षकले गएको सिजनको कमजोर प्रदर्शनलाई विर्साउने गरी स्टार खेलाडी टोलीमा लिने योजना बनाइरहेको उल्लेख गर्दै युनाइटेडले उनलाई छाड्न चाँसो नदिएको मार्काले उल्लेख गरेको छ । 

जापानमा व्यवसायिक भ्रमणका क्रममा केही दिन अगाडिमात्रै पोग्वाले नयाँ चुनौति मोल्न तयार रहेको बताएपछि सञ्चार माध्यहरुले उनी नयाँ क्लब जाने योजनामा रहेको बताएका थिए ।

यद्यपी, उनी स्वयमले पनि रियल मड्रिड आफ्नो ‘ड्रिम’ क्लब भएको बताइसकेका छन् ।