काठमाडौं– दैलेखको ठाँटीकाँध गाउँपालिकाका अध्यक्ष धीरबहादुर शाहीको अपहरणको जिम्मा विप्लव नेतृत्वको नेपाल कम्युनिस्ट पार्टीले लिएको छ ।
विप्लव समूहका भेरी कर्णाली ब्युरो इञ्चार्ज रविले प्रेस विज्ञप्ति जारी गर्दै अपहरणको जिम्मेवारी लिएका हुन् ।
विज्ञप्तिमा भनिएको छ, ‘निज शाहीले ठाँटीकाँध गाउँपालिकामा चरम भ्रष्टचार गरेको, कमिशन खाएको र सीआईडी गरेका कारण उनलाई नियन्त्रणमा लिइ आवश्यक छानविनसहित सकुशल रािखएको छ ।’
साथै, शाहीद्वारा जारी विज्ञप्तिमा देशव्यापी पक्राउ गरिएका विप्लव नेकपाका कार्यकर्तालाई विना शर्त रिहाइ गर्न माग गरिएको छ ।
शनिबार राति करिब दुई बजे शाही र उनकी पत्नी इलालाई घरमा सुतिरहेकै वेला अपहरण गरिएको थियो । इलालाई भने करिब दुई घन्टा हिँडाएर छाडिएको थियो ।
प्रतिक्रिया