काठमाडौं – मंसिर १३ गतेबाट प्रदर्शनमा आएको फिल्म ‘सरौतो’ मा समावेश ‘यो जुनी’ बोलको गीत सार्वजनिक गरिएको छ ।

गीतमा कमल खत्री र श्रेया सोताङको स्वर सुन्न सकिन्छ भने शब्द र संगीत गायक खत्रीकै छ । यस्तै गीतमा रिकेश गुरुङको संगीत संयोजन रहेको छ ।

भिडियोमा सुमी मोक्तान र सन्नी सिंहको अभिनय छ । प्रेमको भाव झल्काउने गीत सन्नी र सुमीको जोडी जमेको देखिन्छ ।

हरि हुमागाईंले निर्देशन गरेको यो फिल्मलाई रिभेन्ज लभ स्टोरी भनिएको छ । फिल्ममा सुमी र सन्नीको एक्सन देख्न सकिनेछ ।

फिल्मलाई लक्ष्मी कुमारी तामाङले निर्माण गरेकी हुन् । शंकर महर्जनको एक्सन रहेको फिल्मको ट्रेलरले राम्रो प्रतिक्रिया पाएको छ ।