काठमाडौं – आज शुक्रवारदेखि प्रदर्शनमा आएको फिल्म ‘चच हुई’ प्रदर्शनमा आएको छ । एक्सन कमेडी जानराको यो फिल्म आज शुक्रवारदेखि प्रदर्शनमा आएको हो ।

आर्यन सिग्देल, मिरुना मगर, भोलाराज सापकोटा, माओत्से गुरुङ लगायतका कलाकारको शीर्ष भूमिका रहेको यो फिल्म बाबु खोज्ने यात्रामा निस्केका दुई युवाको कथामा आधारित छ ।

फिल्ममा आर्यन र मिरुनाको जोडी देखाइएको छ भने भोलाराजले आर्यनको मिल्ने साथीको भूमिकामा अभिनय गरेका छन् । साम्तेन भुटियाले निर्देशन गरेको यो फिल्म कमेडी बनाउने प्रयास गरिएको छ ।

फिल्ममा मुस्ताङ, हङकङ र पोखराका विभिन्न रमणीय दृश्यसमेत देख्न सकिन्छ । फिल्मले मल्टिप्लेक्स हलमा न्यून शो पाएको छ भने प्रचारका हिसाबले पनि खासै प्रचार गरिएको छैन ।

यसअघि रिलिज भएका फिल्मका गीत, पोस्टर र ट्रेलरले फिल्मको औसत चर्चा भएको थियो ।