काठमाडौं– प्रधानमन्त्रीसमेत रहेका नेकपाका अध्यक्ष केपी शर्मा ओलीले सरकारले गरेको कामहरुलाई जनतासँग लैजान आफ्ना सांसदहरुलाई निर्देशन दिएका छन् ।

शनिवार दिउँसो बसेको नेकपा संसदीय दलको बैठकमा अध्यष ओलीले केहीले सरकारले काम गर्न नसकेको भन्दै भ्रम छरिरहेकोले त्यसलाई चिर्नुपर्ने बताए ।

परिवर्तन विरोधीहरुले सरकारका काम बारे भ्रम फैलाइरहेको भन्दै प्रधानमन्त्री ओलीले विकास निर्माण र कानूनहरु बनाउने काममा सरकारले ध्यान दिइरहेको बताए ।

सरकारका यी कामहरुका बारेमा जनतालाई बताउन उनले सांसदहरुलाई आग्रह गरे ।

सरकारले राम्रा काम गरिरहेको भए पनि त्यसको जानकारी सही रुपमा जनतासँग नपुगेका कारणले सरकारले केही गरेन भन्ने भ्रम परेको उनको भनाइ थियो ।