काठमाडौं – नेपाल आइडलबाट एकाएक चर्चामा आएका कृषल कँडेल र ‘नाइँ नभन्नू ल ५’ बाट चर्चामा आएकी कलाकार सेड्रिना शर्माको अभिनय रहेको गीत सार्वजनिक भएको छ । उक्त गीत युट्युबमार्फत सार्वजनिक गरिएको हो ।

‘ओढेर घुङघट’ बोलको गीतमा कृषल कँडेलकै स्वर रहेको छ भने संगीत अर्जुन पोखरेलको छ । यस्तै गीतका शब्द निपृश उप्रेतीले लेखेका हुन् ।

दीपक आचार्यले निर्देशन गरेको गीतको भिडियोमा सेड्रिना र कृषललाई रोमान्टिक रुपमा प्रस्तुत गरिएको छ । कृषल र सेड्रिनाको जोडीलाई पहिलोपटक अनस्किृन देखिएको हो ।

गीत सुन्नेले युट्युबमा मन परेको प्रतिक्रिया दिएका छन् ।